Туркистон вилояти марказида янги замонавий талабларга мувофиқ таъмирланган, 100 фоиз рақамли тизимга қўшилган “Тиббий тез ёрдам маркази”нинг очилиш маросими бўлди. Тадбирда вилоят ҳокими Жансейит Туймебаев қатнашиб,  “Вилоят тиббий тез ёрдам станцияси”га учта яп-янги махсус транспорт совға қилди. Марказ “Ёрдам” дастурининг автоматлаштирилган бошқарув тизими асосида ишлайди.

Шу билан бир қаторда, 2019 йилдан бошлаб Туркистон вилоят вилоятининг туманларидаги “тез ёрдам” станциялари Туркистон соғликни сақлаш бошқармасининг “Вилоят тиббий тез ёрдам станцияси” Хўжалик юритиш ҳуқуқидаги ДКК бўлиб марказлаштирилади. Бу ерда Сall-марказ фаолият юритади. Барча туманлардаги “тез ёрдам” станция иши шу марказнинг назоратида бўлади. Бу, Туркистон вилоятидаги барча аҳоли манзилларидан “тез ёрдам”га мурожаат қилган беморнинг қўнғироғи бевосита марказга қўшилади, деган гап. Чақирув тушган жойга энг яқин бригада аниқланиб, бемор ҳақида тўлиқ ахборот юборилади. Шундай қилиб, дастлабки тиббий ёрдам тез ва сифатли кўрсатилади. 

Тиббиёт ташкилотларини моддий-техникавий таъминлашга жорий йили 8 млрд. тенге ажратилиб, жиҳозлаш кўрсаткичи 65,7 фоизга етказилган. Келгусида Туркистон вилоятида перинаталь, ихтисослаштирилган кардиология, онкология, психоневрология, наркология марказлари ва шифохоналар қуриш режаланмоқда. Йил бошидан буён 47та санитар ҳамда махсус автотранспорт харид қилиниб, фойдаланишга берилган.