Туркистон вилояти йилни якунлади

Вилоят маркази – Тур­­­­кистон шаҳрида залворли меҳнатлари билан эл ҳурматига са­зовор бўлган илғорларни шарафлаш маросими ўтди. Шодиёнада сўзга чиққан вилоят ҳокими Ж. Туймебаев йиғилганларни Янги йил байрами билан табриклади.– Бу йил вилоятимиз янги мақомга эга бўлиб, Туркистон вилоятига айланди. Туркистон шаҳрига кўчиб келди. У нафақат вилоят маркази, балки, бутун туркий оламнинг ма­даний-маънавий марказига ай­ланди. Унинг тараққиётига ҳам­мамиз улуш қўшайлик. Бу йилни улкан муваффақиятлар билан ку­затмоқдамиз. Келаётган янги йил­­да ҳам вилоят тараққиётига ҳисса қўшайлик. Боиси, келгуси йил Тур­кистонни тараққий эттириш йили бўлади. Элбошининг фармойиши билан бир неча йил ичида Туркистон таниб бўлмас даражада ўзгаради, – деди минтақа раҳбари.

Тантанада вилоят ҳокими Ж. Туй­мебаев, вилоят маслаҳати котиби Қ. Балабиев, “Нур Отан” партияси Туркистон вилоят филиали раи­сининг биринчи ўринбосари Н. Жўл­дасов, меҳнат фахрийси Д. Ше­римқулов, вилоят фахрийлар кен­гашининг раиси Ж. Мауленқулов, Уюшган жи­ноятчиликка қарши кураш агент­лигининг Туркистон вилояти бўйича департаменти раҳбари Ғ. Турсунбаев йил пешқадамларини мукофотлаб, махсус дипломлар топширишди. 

Тадбир давомида вилоятда фа­олият юритаётган дасталар ажо­йиб қўшиқ ва рақслари билан кўп­­­­чиликнинг олқишига сазовор б­ў­лишди.