Ўзбекистонда Қозоғистон йили муносабати билан Қозоғистон халқи Ассамблеяси раисининг биринчи ўринбосари Л. Прокопенконинг топшириғига биноан республика ўзбек этномаданият бирлашмалари “Дўстлик” ҳамжамиятининг раиси Икромжон Ҳошимжонов Тошкентда Ўзбекистон Республикаси Вазирлар Маҳкамаси ҳузуридаги Миллатлараро муносабатлар ва хорижий давлатлар билан дўстлик алоқалари қўмитаси раиси Рустамбек Қурбонов ва унинг ўринбосари Камолиддин Эшонхўжаев билан учрашиб, бир йиллик иш режаларини тасдиқлаб олдилар. 

Асосан маданий, сиёсий, иқтисодий соҳаларда ҳамкорликни, шунингдек, туризмни ривожлантириш ва бир неча янги лойиҳаларни амалга ошириш режалаштирилди. 

Қўмита раҳбари 2018 йили Қозоғистонда Ўзбекистон йилини юқори савияда ўтказишга ўз ҳиссасини қўшган барча миллатдошларимизга ва “Қардош эл” («Бауырлас ел») ҳужжатли фильмини яратишда беминнат ёрдам берган сахий тадбиркорлар ва фаолларга самимий миннатдорчилик билдирди.

Яқин кунларда шоир ва ёзувчиларнинг учрашувлари, театр жамоасининг гастролларини, Қозоғистондаги этномаданият бирлашмалари раислари иштирокида Тошкент шаҳрида «Қардош эл» ҳужжатли фильми тақдимотини, Самарқандда Ёшлар форумини ўтказиш кўзда тутилмоқда.