Туркистон вилоятида Янги йил арафасида туғилган гў­даклар сони уч юзга етди. Бу турмуши фаровон мин­­­­­­тақамизнинг кун сайин ри­­­­­­­­­вож­ланаётгани билан бир­­­­­­­­­­­­­­­­­­­­­­­­га, демографиявий аҳ­­­­воли ҳам яхшиланиб бо­ра­ёт­ганини билдирса, ажабмас. 

Бу хушхабарни биз билан Туркистон вилоят соғликни сақ­лаш бошқармасининг матбуот хизмати баҳам кўрди. Матбуот хиз­матининг етакчиси Мира Су­лейменованинг маълум қи­ли­шича, 31 декабрь ва 1 январь куни вилоятда уч юз нафар ча­қалоқ дунёга келган. Улардан 129 нафари – ўғил, 171 нафари – қиз.

Дарвоқе, мамлакатимиздаги ҳар бешинчи чақалоқ бизнинг минтақада дунёга келар экан. Шунингдек, бола туғиш борасида Сайрам, Сариоғоч, Келес, Мақ­та­арал, Жетисай туманлари етак­чилардан саналади. Шун­дай қилиб, минтақа аҳолиси со­ни йил сайин тахминан етмиш мингга кўпайиб, ўтган йилларга нисбатан туғилиш кўрсаткичи бир­мунча ортган. Масалан, 2017 йи­ли вилоят бўйича 59 минг 786 чақалоқ туғилган бўлса, бул­тур бу кўрсаткич 67 минг 206 на­фарга етган.

Мамлакатимиздаги учинчи ша­ҳар мақомига эга бўлган Шим­кентда ҳам шу кунлари дил яйратадиган янгиликлар кўп бўлди. Яъни ўтган йилнинг сўнг­ги ва янги йилнинг даст­лабки кунида шаҳардаги туғуруқ­хо­наларда юзга яқин чақалоқ дунё­га келди. Қизиқарлиси, Шимкентда туғилган чақа­лоқ­ларнинг кўпчилиги ўғил бола­лар экан.