Туркистон вилояти таълим соҳаси мутахассислари хориж давлатларида мунтазам тажриба алмашиб, малакаларини ошириб қайтмоқдалар. Йил бошланиши билан Туркистон вилоятининг ўн олти тумани ва кўҳна шаҳардан жами 40 на­фар тажрибали педагог махсус дастур доирасида Туркия Рес­публикасига хизмат сафарига юборилди.

Ушбу лойиҳанинг мақсади – қардош ва қондош ўзаро аҳил икки эл – Мустақил Қозоғистон билан Туркия Республикаси ўр­тасида таълим ва фан соҳа­сидаги муносабатларни ривож­лантириш, умумий қадриятимиз – Хожа Аҳмад Яссавий меро­сининг атрофлича тарғиб қили­нишига ҳисса қўшиш. Шу билан бирга, Элбошининг жорий йилги Мактубидаги устоз мартабасини ошириш топшириғини бажариб, узоқ йиллар меҳнат қилган му­аллимлар меҳнатини баҳолаш, шунингдек, билимини та­комил­лаштириб қайтишига ша­роитлар яратиб беришдан ибо­рат.

Ваколатли идора мута­хас­сисларининг айтишича, бу йўл­ланма дуч келган ўқи­тувчига берилмайди. Йўлланма олиш учун махсус талаблар қў­йил­­­­­­­­­­ган. Маҳаллий ўқитувчилар ўзга мамлакатлардан келган ҳамкасблари билан юзма-юз учрашиб, билим даражасини ошириб, тажриба алмашишади. 

Келгусида бу лойиҳани да­вом эттириш режалан­моқ­да. Ўтган йили вилоятдан 150 нафар ўқитувчи хориж дав­латларига борган эди.