Мустақил Қозоғистонимизнинг келажаги ўқимишли, тарбияли ёш шогирдлар қўлидадир. Давлатимизнинг келгусида гуллаб-яшнаши учун соғлом ва баркамол ёшларга таълим-тарбия бераётган устозларнинг машаққатли меҳнати таҳсинга лойиқдир. 

111-сонли М. Маметова номли ўрта мактабининг 3-синф ўқувчилари йил якунида “Кўклам маликаси” танловини уюштириб, 2016-2017 йилги ўқув йилини муваффақиятли тамомлашди. Рус тилида уюштирилган танловда иштирок этган 8 нафар қизлар орасидан 3-“Б” синф ўқувчиси Эъзозахон Давлатбоева “Баҳор маликаси” унвонига сазовор бўлди. Унинг эгнидаги қоғоз салфеткадан тикилган либоси, рақси, саволларга жавоби ҳамда ўзини рус тилида таништириш шартлари ҳакамлар ҳайъати томонидан муносиб баҳоланди ва “Малика” тожини тақиш насиб этди. 

Шунингдек, дугонам Эъзозахон камина қатори, жорий ўқув йилини аъло баҳоларга тамомлаб, синфдошлари, синф раҳбари Гулмира Сулаймонова, бува-бувиси, ота-онаси ҳамда сингиллари Чинорахон ва Камолахонларнинг ишончини оқлади.

Тадбирда иштирок этган ота-оналар, бувилар мактаб маъмурияти ҳамда рус тили фани ўқитувчимиз Севара Эргашевага миннатдорчилик билдириб қолдилар.