Туркистон шаҳри ҳокими Алипбек Ўсербаев ОАВ вакиллари учун брифинг ўтказди. Шаҳар раҳбари Туркистоннинг вилоят маркази мақомини олиши муносабати билан шаҳарда қуриладиган янги иншоотлар учун зарур ер майдонларини давлат тасарруфига қайтариш хусусида гапирди.

Туркистон шаҳрини туркий олам маданий-маънавий маркази сифатида ривожлантириш бўйича Бош режага мувофиқ бунёдкорлик ишлари уч йўналишда юритилади. «Тарихий ҳудуд» – 88,7 гектар, «Маънавий-маданий ҳудуд» – 98 гектар, «Маъмурий тадбиркорлик маркази” – 700 гектарни ташкил этади. Шу ҳудудларда қурилиш учун зарур ерларни хусусий мулкдан давлат эҳтиёжига қайтариш ишлари қонун асосида юритилмоқда», – деди А. Ўсербаев. – «Маънавий-маданий марказ» эҳтиёжи учун 167 ер участкасини қайтариш керак. Акт тузилиб, суратга олинган. 161та кўчмас мулкни баҳолаш ишлари тўлиқ якунланган. Уни «Экспо Оценка» МЧБ олиб бормоқда. 91 нафар хусусий мулк эгасининг розилиги олинган. Улар розилик берган объектларнинг 13таси бузилмоқда.

Баъзи сабабларга кўра кўнаётган 40та хусусий мулк ҳужжатлари қонунга мувофиқ судга йўлланди. «Маъмурий-тадбиркорлик маркази»га зарур 672 гектар ер майдонининг 470 гектари давлат эҳтиёжига қайтарилган. Агар хусусий мулк, уй, қаҳвахона ёки бошқа мақсаддаги мулк соҳиблари уларга тавсия этилган баҳога норози бўлса ўз хоҳишларига мувофиқ лицензияси бор муассасага баҳолатиб пировардида аввалги ва кейинги баҳолаш натижалари судга йўлланади ва қонунга мувофиқ ҳал қилинади. 

Аҳоли билан уларнинг илтимосига мувофиқ 29 кишидан иборат комиссия ишламоқда. Комиссия таркибида давлат хизматчилари, депутатлар, жамоат ва ноҳукумат ташкилотлар раҳбарлари бор.