Ж. Туймебаев Кентовдаги деҳқон хўжалиги фаолияти билан танишди Туркистон вилояти ҳокими Жан­сейит Туймебаев Кентов ша­­­­­­­­­­ҳар Шаға овулида жойлашган “Мам­ла­­­­­­­­­­­кат” деҳқон хўжалиги фаолияти билан танишди.

2014 йили иш бошлаган хўжаликда 900 бош мол бор. Асосан, қорамолни бўрдоқилаш билан шуғулланадиган хўжалик, шунингдек, колбаса маҳ­сулотларини ҳам ишлаб чиқаради. Минтақа раҳбарига маҳсулотнинг асосий истеъмолчиси маҳаллий аҳоли эканини айтган деҳқон хў­жалиги раисининг ўринбосари Ба­­қитжан Байжўмартов бу ерда мах­сус очилган кушхоналарда ку­­нига 15-20 бошгача мол сўйи­лишини маълум қилди.

Бугунги кунгача барча хара­жат­ларни фақат ўзи кўтариб, фао­лият юритаётган “Мамлакат” ДХ қорамолни ем-хашак билан таъминлаш масаласини ҳам ҳал қил­ган. Яъни, 150 гектар майдонга беда, маккажўхори ва буғдой экиб, мол­ларга ем тайёрлаш цехини оч­ган. Унда бир кеча-кундузда 20-24 тон­­­­на ем тайёрланади. Бўрдоқи мол­­­­­­­­ларнинг ҳар бири 450-500 кило­грамм­­­­­­­­­­­­­­­­­­­­­­­­­­­­­­­­­­гача тош босади.

Бажарилаётган ишлардан мам­нун бўлган вилоят ҳокими хўжалик раҳбарларига гўшт етиштириш ҳажмини орттиришни топширди. Улар эса вазифани бажариш учун банкдан имтиёзли насия олишни режалаштираётганини айтиб, уни олишда ҳокимликдан қўллов кўр­сатишни сўрашди.

Умуман олганда, Кентов шаҳри бўйича бугунги кунгача 328 бош қорамол бўрдоқилаш майдони иш­ламоқда. Уларда 4920 бош наввос бўрдоқиланмоқда. 2018 йили мол бўрдоқилаш майдончаларида аҳоли истеъмоли учун 1968 тонна гўшт етиштирилди. Шундан 485 тоннаси “Қайип ата” деҳ­қон хўжалиги орқали экспортга чиқа­рилди.