Мақтаарал ту­­­­манининг деҳ­қон­лари дала иш­ла­­рини бошлаб юборишди. Эр­та­пишар карам кў­чатини экишга 10дан зиёд бригада жалб этилиб, ишлар қизғин  бормоқда.

Январнинг ёғин­гар­чилик­ларига қа­рамай, далада меҳ­нат қилаётган деҳ­қон­ларнинг аҳволи билан тани­­­­­­­­­­­­шиш учун туман раҳбарлари Мақ­таарал қишлоқ округидаги “Фе­рудин” деҳқон хў­жалигида бўлишди. М. Алиев бошчилигидаги хўжалик қарамоғидаги 10 гектар ернинг ярмига карам экаётган экан.

– Иссиқхонада 120 минг туп карам кўчатини тайёрлаб, 30 киши­дан иборат бригада аъзолари уни ўтқазишни бош­лади, – деди М. Алиев. – Ишчи­ларга кунига 2 минг тенгедан ҳақ тўланади. Ка­рам 2 ойда етилади. Шунингдек, уч ойда етиладиган навидан ҳам экдик. Экилган кўчатнинг устини полиэтилен клёнка билан ёпиб, со­вуқдан сақлаймиз. Энг асосийси, парваришига кўпроқ эътибор бериш керак.

Мақтаараллик деҳқонлар оғир­ли­ги 1-1,5 килограммдан ошмай­­диган карамнинг пан­дион навини экиш­моқда. Бу маҳсулотга хорижий дав­лат­лардан ҳам талаб етарли.

Мазкур экин ҳосили йиғиш­тириб олингандан сўнг деҳ­қонлар полиз экинлари ҳам­да пахта экишни бош­лаб юбо­ришади. Шу йўсинда деҳ­қон­лар бир йилда икки марта ҳо­сил олишади. Ўтган йил апрель ой­ларида мўл ҳосил етиштирган  деҳқонлар республиканинг бир не­ча вилояти ҳамда Россия бозор­ларини ҳам карам билан таъмин­лашди.

Таъкидлаш жоизки, Мақ­таарал туманида ўтган йили 30 минг тон­­­­­­­­­­нага яқин ҳосил йиғиштириб олин­­­­­­­­­­­­­­­­­­ди. Унинг асо­сий қисми карам бўл­­­ди.