Январь ойида мамлакатимизнинг ҳам­ма минтақаларида ЯМТ ташкил этилди. Унда 11-синф ўқувчилари, биринчи ака­демия даврига қадар олий ўқув юртига қабулланган билимдонлар, ижодий ихти­сосликдан бошқа мутахассисликка алма­шадиган талабалар қатнашдилар. Шуни таъкидлаш жоизки, март ойида ўтадиган ЯМТда битирувчилар тест ўтказиладиган бекатни ўзи танлайди. 

Январь ёки март ойида ЯМТ топширганлар грант танловида иштирок этиш имкониятини берувчи июнь-июль ойларидаги тестда ҳам қат­наша оладилар. Шунингдек, ҳар бир тест пайтида ижодий фанлар комбинациясини ўзгар­тириш мумкин. Яъни битирувчилар турли хил ижодий фанлар комбинацияси бўйича ўзларини синай оладилар. Январь, март ойларида ўтадиган ЯМТ олий ўқув юртига кирувчиларнинг ўз били­мини текшириб олишлари учун берилган катта имкониятдир. Битирувчи бир томондан ўз дара­жасини текширса, иккинчи томондан ЯМТ топ­шириш пайтидаги руҳий шароитларга мос­лашади.

Тест топширувчи ўзининг яшайдиган жойига яқин ЯМТ бекатига бориб, тестга қатнашиш ҳа­қи­да ариза бера олади. Мамлакатимизда 154та бекат фаолият юритади. Талабалар тестда қат­­нашиш учун ариза ёзиб, шахсий гувоҳномаси кўчирмасини, таълим муассасасидан маълумот­­­­­­­­­­нома ва фотосуратини топшириши зарур. Шу­­­­­нингдек, ЯМТ топшириш учун битирувчи 2242 тен­ге тўлаши керак. У тўловни ҚРнинг иккинчи дара­жали банклари кассалари орқали амалга ошира олади.

ЯМТ топширишга ният билдирганлар учун асосан иккита тест бекати белгиланган. Улар­дан бири М. Ауезов номидаги ЖҚДУ бўлса, иккинчиси ЖҚДПУда жойлашган. Март ойида тест топширувчиларнинг сонига қараб ЯМТ ўтказиладиган жойлар сони ортиши мумкин. ЯМТни ўтказиш 24-29 март кунларига режа­ланмоқда, шу боисдан ҳужжатларни қабул қилиш 1-15 февраль оралиғида юритилади. Қў­шимча маълумотларни тест марказининг расмий сайтидан  олиш мумкин.