Туркистон шаҳрида “Ўр­да­­­­­­боши – бирлик туғи” ани­­­­­мациявий фильмининг тақ­димоти ўтди. Унда зиёлилар, ижодкорлар ва ёшлар қат­нашдилар. Буюк Даштни ма­кон тутган буюк шахслар ва донишмандлар жасорати, мардлиги, донолигини мадҳ этадиган фильмни “Маъна­вий янгиланиш” дастури доирасида Туркистон ви­лояти ҳокимлигининг бу­юрт­­маси асосида “САҚ” ки­­ностудияси суратга ту­ширган.

Ўтган йили Ўрдабоши тоғида уч давлат президентларининг тарихий учрашуви ва “Ўрдабоши” миллий тарихий-маданий ва табиий жамғармаси”ни ташкил қилиш тўғрисида Элбоши Фар­мони чиққанига 25 йил тўлди. Шунга мувофиқ, туширилган фильмда юрт посбонлари бўл­ган баҳодирларимизнинг жа­сорати, эл бирлиги аксини топ­ган. Ўрдабошида уч жузнинг бирлашиб, ҳал қилувчи жангда душманларни ер тишлатгани тасвирланади.

“Буюк Даштнинг етти қирраси” мақоласида қадриятларни улуғ­лаш, келажак авлодга етказиш масаласи кўтарилгани бар­­­­­­­­­­­­ча­га маълум. “Ўрдабоши – бир­лик туғи” фильмининг шу вази­фаларни амалга оширишга хиз­мат қилиши аниқ.

Фильм режиссёри Батирхан Дауренбеков кичкинтойларни ватанпарварликка чорлайдиган мана шу каби киноларни суратга олишни давом эттиришини билдирди.