Шаҳар марказидаги маданият уйида Туркистон шаҳри ҳокими А. Ўсербаевнинг 2018 йилда шаҳарни ижтимоий-иқтисодий ривожлантириш борасидаги ҳисоботи тингланди.

Тадбирда Туркистон вилояти ҳокими Ж. Туймебаев ва ҚР Президенти Маъму­риятининг Туркистон вилояти бўйича давлат инспектори М. Имандўсов иштирок этдилар. Шаҳар ҳокими ўз маърузасида Туркистон вилояти маркази бўлиб тасдиқланишидан бошланган шаҳардаги жараёнлар ҳамда йил давомида бажарилган ишларга тўхталди. 

Қўшни Кентов шаҳри тасарру­фига 721 минг гектар ер майдони 12 қишлоқ округи билан бирга берилди. 260 мингдан зиёд шаҳар аҳолисининг 100 мингдан зиёди ҳам Кентовга ўтди. Туркистон шаҳ­ри ҳудуди айни пайтда 19 минг гектардан иборат. Шаҳарда жуда катта ва кенг кўламдаги қурилиш ишлари бошланган. Табиий газ билан таъминлаш йил охирига қа­дар 58 фоизни ташкил этиб, 2020 йили тўлиқ якунланади. Ўтган йили Туркистонга 1 млн. 495 минг сайёҳ ташриф буюрди. 

Улардан 40200 нафари яқин ва узоқ хорижий давлатлардан. Ҳи­собот юзасидан музокараларда сўзга чиққан Р. Баймендиев, Д. Ба­­­тирова, П. Саруаров, Г. Жунис каби фуқаролар шаҳар ва ви­лоят ҳокимларига берган саволларига ба­­тафсил жавоб қайтарилди.

Ви­лоят маслаҳати депутати Р. Танир­­­­­бергеновнинг шаҳар ҳокими ҳисо­боти қониқарли деган таклифи бир овоздан қўллаб-қувватланди. Вилоят ҳокими якуний нутқида Туркистон шаҳрининг аҳолиси Тур­кистон шаҳри Қозоғистон маънавий маркази сифатида тараққий этиши учун бир кишидек ҳисса қўшиши лозимлигини таъкидлади. 

– Туркистон ривожланмоқда, тараққий этмоқда. Биз шаҳарга кела­диган туристларни 5-7 мил­ли­онга қадар кўпайтириш учун барча шароитларни яратиш ҳара­катидамиз. Аэропорт, автовокзал, йўллар шу мақсадда қурилмоқда. Туркистонга турист келади дега­ни – иқтисодиёт ривожланиб, ша­ҳар бюджети ўсади деган сўз. Ал­бат­та, камчиликлар бор, лекин силжиш кўпроқ. Биргаликда, ҳам­жиҳатликда меҳнат қилиб, Эл­бошимиз яратиб берган тарихий имкониятдан фойдаланиб қолай­лик, – деди вилоят ҳокими Ж. Туймебаев.