Ҳозирги кунда жа­миятда хайр-эҳсон қи­либ, халқи учун ёр­дамини аямаётган ки­шилар кўпаймоқда. Шулардан бири – Тур­кистон ви­лояти, Қазиғурт туманидаги тадбиркор Си­рим Ертаевдир. “Қа­йип ота” МЧБ раҳбари, “Қозоғистондаги 100 янги ном” лойиҳасига ки­ритилган фуқаро ўз ҳисобидан кўп болали 2та оилага уй олиб бер­ди. 

Саховатпеша тадбиркорга миннатдорчилик бил­дирган икки оила бугунги кунда янги бошпа­на­ларида бахтли ҳаёт кечиришмоқда. Қозоғистонда гўшт экспорти салоҳиятини ошириб, хорижга гўшт етказиб бераётган Сирим Ертаев ўз касби орқали ўнлаб ҳамқишлоқларини иш билан таъминламоқда. Шунингдек, у “Қозоғистондаги 100 янги ном” лойи­ҳасига ҳақиқий инсон сифатида киритилганини эзгу ишлари билан тасдиқлади. Кейинги пайтларда хайрия тадбирларида иштирок этиб келаётган тадбиркордан юртдошлари мамнун. 

Куни кеча Қазиғурт қишлоқ округидаги яшаш ша­роити ночор 30та оилага депутатлар ҳомийлигида озиқ-овқат тарқатилиб, ёрдам кўрсатилди. Бунда вилоят маслаҳати депутати Н. Аширов ва туман мас­­­­­лаҳати депутатларининг ҳиссаси салмоқли.  “Жалынды жастар” жамоат бирлашмаси эса ви­лоят ва туман тадбиркорлари қўлловида ижтимоий шароити ночор кам таъминланган оилаларга уй жи­­ҳоз­лари ҳамда озиқ-овқат олиб беришди. Хайрия тад­бирлари давом этаверади.