Спортнинг 40 турини ўз ичига олган катталар ўртасида республика спартакиадаси давом этмоқда. Уни стол тенниси ўйинлари бошлаб берди. Астана шаҳридаги Назарбаев университетининг спорт мажмуасида уюштирилган мусобақада Астана, Алмати, Шимкент шаҳарлари ва барча вилоятлардан, жами 17та жамоа иштирок этди. Спартакиаданинг биринчи куниёқ жамоавий мусобақалар ғолиблари аниқланди.

Эркаклар орасида Астана шаҳри жамоаси – биринчи, Шарқий Қозоғистон вилояти – иккинчи, Шимкент шаҳри учинчи ўринларни эгаллади. Жамоа таркиби: Жамал Бекулан, Акимали Бақдаулет, Ирисбек Ортиқметов ва Аман Сабиржан.

Қизлар орасида ҳам шимкентликлар учинчи ўринни қўлга киритишди. Сарвиноз Мирқодирова, Малика Илҳомжонова, Озода Озодова ва Таншўлпан Шапей жамоанинг ютуғи учун бор маҳоратларини аяшмади. 

Якка баҳсларда шимкентлик Бекулан Жамал, қизлар орасида эса Сарвиноз Мирқодирова 3-ўринни эгаллашди. Мураббийлари – Нурлан Ўразбаев ва Мирёқуб Мираслонов. Совриндорлардан тўрт нафари – Ирисбек Ортиқметов, Сарвиноз Мирқодирова, Малика Илҳомжонова ва Озода Озодовалар Сайрам даҳасидаги Ҳасан Маҳкамбоев раҳбарлик қилаётган 12-сонли болалар ва ўсмирлар спорт мактабининг тарбияланувчилари. 

Стол тенниси усталарини тайёрлашда республикада машҳур спорт мактабининг устозларига муваффақият тилаймиз.

Суратда: Сарвиноз рақибининг ҳаракатини “ўқимоқда”.