Қозоғистон мусулмонлари диний бошқармаси Шимкент шаҳри ва Тур­кистон ви­лоя­тида жойлашган бар­­ча мас­жид, мадраса ва номозхо­на­лар­даги дин ходимларини ат­тес­­та­ция­лаш мақсадида Шим­кент шаҳ­ридаги “Halifa-Al Nahaian Aqmeshiti” мар­казий масжиди биносида тадбир уюштирди.

 ҚМДБ раиси, Бош муфти Серикбай Ўраз унинг тантанали очилиш маросимида иштирок этиб, барча дин пешволарига ат­тестация мақсадини тушунтирди ва уларга синовда муваффақият тилади.

– Аттестациядан асосий мақсадимиз – юртимиздаги дин соҳасида хизмат қи­либ келаётган имомларимизнинг диний саводхонлигини ошириш, ҳар бир масжид ходимининг ижтимоий муаммоларини ҳал этиш. Бизда давлат иж­тимоий суғур­таси бор. Имомларга ойлик берилиб, барча шароитларини яхшилаш долзарб ма­са­лалардан бири. Бироқ, маош берил­гандан кейин талаб ҳам ку­чаяди. 5 йилда бир марта ўтказиладиган аттестацияда 3та фан бўйича қозоқ, рус, инглиз тилларида тест топшириш мумкин, – деди Бош муфти.

Шунингдек, аттестациядан ўтолмаган имомлар уни қайта топшириш имкониятига ҳам эга. Таъкидлаш жоизки, айни кунларда тест синовларида Шимкент шаҳ­­­­­­­­­­ри­­­даги 104та масжиддан 280 нафар, Туркис­тон вилоятидаги 722та масжиддан 818 на­фар ходим аттестациядан ўтка­зилди. 

Аттестация ҚМДБ раисининг ўрин­бо­сари, муфти ноиби, Туркистон шаҳри­даги идора раҳбари Алау Адилбаев, ҚМДБ Дин ишлари ҳамда таҳлил бўлимининг мудири Нурбек Есмағанбет ва бошқалар томонидан тузилган таҳлилий комиссия  аъзолари назо­рати остида олиб борилди.  

Шу кунга қадар аттестация Алмати шаҳ­ри, Алмати ва Жамбил вилоятларида ўтка­­­­­зилганди.