Сайёҳлик дунёдаги энг даромадли бизнесга киради. Мазкур соҳа кўп мамла­катларда ички ялпи маҳсулотнинг шаклланишига, қўшимча иш ўрини очили­шига, шунингдек, ташқи савдонинг фаоллашишига таъсир кўрсатади. Бугунги кунда Сайрам туманида 8та туристик ин­шо­от бор. Улардан 6таси меҳ­монхона, «Манкент» са­на­торийси ҳамда хусусий да­­­­волаш-соғломлаштириш мар­­казлари. Шунингдек, ту­ман­да «Сықым баба» ҳамда «Жа­ныс баба» мақбаралари ту­ристларда қизиқиш уй­ғотмоқда. Таъкидлаш жоизки, туризм бошқа соҳаларнинг ривожланишига зўр турт­ки беради. У туфайли, сайёҳлик агентликлари, тамад­ди­хо­­налар, сиҳатгоҳлар, ов­қат­ланиш марказлари, транс­порт ва алоқа соҳалари жон­ланади.

Жорий йилда соҳани икки йўналишда ривожлантириш кўзда тутилган. Биринчиси – соғломлаштириш туризми. Туман Шимкент шаҳрига яқин жойлашганлиги ҳамда «Ғар­бий Европа – Ғарбий Хи­той» халқаро транспорт даҳ­лизи туман марказига яқинлиги туфайли даволаш-соғломлаштириш туризми яхши ривожланмоқда. Ик­кинчиси – маданий-тарихий ёдгорликлар. Вилоятда ту­ризмни ривожлантириш ти­зимига киритилган Қорамурт  қишлоқ округидаги Калонбоб ҳамда Кўлкент қиш­лоғидаги «Хон қўрғон те­палиги» турис­­­тик йў­на­лишлари бўйича тарғибот иш­­­­­­­­­­­­­­лари олиб борил­моқда.