Илгари газета сахифаларида “Шаҳарни обод, маданиятли шаҳарга айлантирайлик!” деган шиорлар кўп учраб турарди. Бу – эскирмас шиордир. Чунки, шаҳар кўчалари гуллаб-яшнаб турса, иншоотлар замон талабига мос қурилса, кўчалар шинам бўлса, унга кимнинг ҳаваси келмайди дейсиз!

Кўкаламзорлаштириш – давр талаби. Кейинги пайтда шаҳримизда ҳам кўкаламзорлаштириш, кўча тозалиги, ёритилишига катта эътибор қаратилмоқда. 

Бу ишлар шаҳар раҳбарининг чинакам жонкуяр инсон эканлигини кўрсатади. Ҳозир шаҳримизда миллий услубда безатилган хиёбонлар, дам олиш ўринлари кўпайди, одамларга юриш қулай бўлиши учун йўлаклар қурилди ва қурилмоқда, кўкаламзорлаштириш ишларига катта эътибор қаратилмоқда. 

Жумладан, ҳар бир ташкилот, корхона ва ҳар бир фуқаро ўз уйи атрофини гулзорга айлантириш, шаҳримиз кўркига кўрк қўшишга ҳаракат қилмоқда. Ҳамза номли мактаб жамоаси ҳам ушбу эзгу тадбирга, ўз улушини қўшиб келмоқда. Мактаб раҳбари Замир Муҳаммаджанов ва хўжалик ишлари бўйича ўринбосар Расул Отахоновлар ташаббуси билан илм маскани ҳовлисига турли манзарали дарахтлар, йўл бўйига 105 метр узунликда тўрт қатор ранг-баранг гуллар экилди.

Мактаб устозлар жамоаси ҳомийлигида ўтқазилган гулларнинг шаҳримиз чиройига чирой қўшиши шубҳасиз.