Жетисай туман марказий касалхонаси тасар­руфидаги қатор қишлоқ шифохоналарида кўп болали оналарга қўллов кўрсатиш мақсадида “Онага таъзим” номли очиқ эшиклар куни ўтди.  Жетисай шаҳар ши­фо­хонаси, Мирзачўл ҳамда Жилису қишлоқ ши­фо­хо­наларида мингдан зиёд кўп болали она ва болалар тиббий кўрикдан ўтиб, шифокорлардан ёрдам олиш­ди. Шунингдек, улар лабо­ратория, ультратовуш тек­ширувларидан ҳам ўт­казилди. 

Олисдаги Мирзашўқи ову­ли аҳолиси учун сайёр тиб­биёт муассасаси ўрна­тилди. Ногиронларга ши­фохона маъмурияти то­мо­нидан махсус транспорт уюштирилди. Мазкур тад­бир давомида болалар нев­рологи, жарроҳ, кар­дио­лог, акушер-гинеколог, умумий амалиёт ва бо­ла­лар шифокорлари, руҳ­шу­нос ва бошқалар кўп бо­­­лали оналар ва бола­лар­ни тиб­бий кўрикдан ўт­ка­­зиш­ди. Соғлом турмуш тар­зини шакллантириш хиз­мат­ларига келган бар­ча оналарга ахборий вара­қа­лар тарқатилиб, она ва бо­ла саломатлигини мус­таҳ­­­­­­камлаш асосий мақсад экан­­лиги айтилиб, махсус муо­­лажаларни вақ­ти­да олиб ту­риш лозимлиги уқ­тирилди.

Тадбир давомида 800дан зиёд кўп болали она ва 200га яқин бола тиббий кў­рик­дан ўтказилди. Улардан 60га яқини “Алтын алқа”, “Күміс алқа” соҳибалари. Тиббий кўрик натижасида учта шифохонага қарашли 162 нафар одамда турли даражадаги  касаллик тур­лари аниқланди. 

Уларнинг ҳаммаси те­гишли муолажаларини қабул қилиб, шифокор назоратига олинди. Шунингдек, кўрикдан ўтиш учун келган барча кўп болали оналарга совғалар ула­шилиб, болажонларга ўйин­­­­­­­­­­­­­­­­­­­­­­­­­­­­­­­чоқлар тарқатилди. 

Тадбирда иштирок этган оналар шифокорларга мин­нат­дорчиликларини изҳор этдилар.