Алмати шаҳридаги Ал Форобий номли Қозоқ Мил­лий уни­верситетида Ўмарбек Жўл­дас­­беков номи­даги IХ халқаро математика ҳамда механикадан ил­мий тадқиқотлар танлови ўт­ди. Унинг таш­ки­лотчиси – Қо­­­­зо­ғис­тон Республикаси Таълим ва фан вазирлиги ҳам­да “Да­­­­рын” республика илмий-амалиёт маркази бўлди. Анъанага айланган танлов машҳур олим, таниқли жа­мо­ат арбоби Ў. Жўлдасбековнинг ҳайкали по­йига гул­дас­та­­­­­лар қўйишдан бошланди. Унда Қир­ғизистон, То­­­жикистон, Озарбайжон ҳамда Қозо­ғис­тоннинг бар­­ча минтақаларидан 200га яқин мактаб ўқувчилари қатнашди.

Беллашувнинг мақсади иқтидорли ўқувчиларни қўллаш, уларнинг математика ва механика фанлари соҳасидаги илмий-тадқиқот ишларига қизиқишини оширишдан иборат эди. Ёш истеъдодлар 3 кун бўйи ўзларининг турли илмий лойиҳалари бўйича куч синаш­дилар. 

Туркистон вилоятидан 14 ўқувчи ўз илмий иш­ларини ҳакамлар ҳайъати ҳукмига ҳавола этди. На­тижада 9 ўқувчи совриндор деб топилди. 

Халқаро ло­йиҳалар танловида иқтисодиёт фани бўйича 11-синф ўқувчилари Дауржан Бекжан, Айжан Серик 2-ўринни эгалласа, Нурбах Амирхан, Камила Амангелдиева брон­зага муяссар бўлди. Мате­матика ва механика фан­лари­дан 11-синф ўқувчиси Марал Маханбет 2-ўринни қўлга киритди. Диана Да­рибаева, Диана Мисирова, Асил­­жан Қалдибек, Муҳриддин Шаро­повлар 3-ўринга эга бўлдилар.

Танлов сўнгида ғолиблар Қо­зоғистон Респуб­ли­каси Таълим ва фан вазирлигининг махсус дип­лом­лари ҳамда медаллари билан тақдирланди. Билими билан ҳам­мадан ўзган истеъдодларни Тур­кистон аҳли қувонч билан қарши олди. 

Айтганча, Халқаро танловда қатнашган 14 нафар ўқувчининг ҳаммаси Кентов шаҳридаги их­ти­сос­лаштирилган “Дарын” мактаб-интернатидан. Улардан 3 нафари кумуш медаль олса, 6 нафари брон­за медаль соҳиби бўлди.