Туркистон вилоятида сув босиш хавфини бартараф эта­­­диган жа­ми 64та иншоот бўлса, уларнинг барчаси те­гишли да­­ражада на­­зоратга олин­­ган. Аҳо­­лига хавф йўқ, – деб хабар қи­лади ви­лоят Фав­­­қулодда ва­зиятлар де­пар­та­­­менти. Тошқин сувни қабул қи­лиш­­га етар­ли имкониятлар бор, ўзан­лардаги сув­нинг ўтиши ўрта даражадан паст. Шу билан бир­га, жой­лар­даги тошқин хавфи эҳтимолини аниқлаш мақсадида тоғ­лар­даги музли кўллар ва қор­­нинг ҳолатига аэровизуал ҳамда ер усти тадқиқот иш­лари таш­кил­лаштирилди. Текширувлар на­тижасида жорий йилда ўтган йили билан таққаослаганда қор ёғиш хавфи 13 фоизга кам экан­лиги аниқланди.

Бундан ташқари, Фавқу­лод­да вази­ятлар депар­та­мен­ти уйларнинг ён­ғин хавф­сиз­лигини таъминлаш ҳамда аҳо­лининг газдан за­­­ҳар­ланиш олдини олиш мақса­дида ҳам қатор ишлар бажармоқда. Йил бо­шидан бери ҳаф­танинг ҳар шанбаси вилоят ҳуду­ди­да “Уй-жойларда ёнғин хавфсизлиги куни” деб бел­гиланди. Шу куни де­пар­та­мент гарнизонининг бар­ча алоҳида гуруҳи ша­ҳар, қиш­лоқ, аҳоли манзиллардаги уй-жой­ларни кўриб чиқиб, газ­дан заҳарланишнинг олдини олиш ва ёнғин хавфсизлигини тушунтириш ишларини юрит­моқда.

2018-2019 йилги иситиш мав­суми бошлангандан бери 76 минг­дан зиёд уй-жойни оралаб, 302 мингга яқин одамга тушунтириш ишлари олиб борилган. Шу би­лан бирга, ом­мавий ахборот во­ситаларида видеороликлар кўрса­тилиб, хавф­сизлик чо­ралари эсла­тил­моқда.