Туркистон вилояти ҳо­кими Ўмирзақ ШЎкеев Тур­кистон шаҳрини ора­лади. Дастлаб “Ҳазрат Сул­тон” қўриқхона-му­зейи атрофидаги аҳо­ли манзилига борди. Унда минтақа  раҳбари ян­гидан қад ростлаган сайёҳлик майдон ло­­йиҳаси билан танишди.

– “Ҳазрат Султон” қўриқхона-музейи атрофидаги даҳадан Яссавий мақбараси яхши кўринади. Бу ерда янги туристик минтақа барпо этиш керак. Уйлар шарқона услубда қурилиб, баландлиги 3 қаватдан ошмаслиги лозим. Шунингдек, ушбу шаҳар мар­казидан дарё ўтказиб, атро­фида кичик кўллар барпо этиш керак. Бу шаҳардаги иқ­ли­мни яхшилайди. Сайёҳлар учун махсус этноовул ҳам бар­по этилади. Тегишли бош­­қармаларга қурилишни бош­­лаши учун махсус тадқиқот юри­тилиб, ҳужжатлар тайёрлашни топ­шираман. Барча инфра­ту­зилма масалалари ҳал бўлиши шарт, – деди Ўмирзақ Естайули.

Сўнг, ҳоким Туркистон шаҳ­рининг бош дарвозаси ол­дида тўхтади. Келгусида унинг атрофида шаҳар қиёфасини янада оча­диган иншоотлар барпо этишни топширди.

– Туркистон шаҳрининг бош дарвозаси салобатли бўлиши керак. Вилоят марказига келган сайёҳлар аввал янги шаҳарни кўриб, кейин кўҳна шаҳарга ўтишлари лозим. Шунинг учун шаҳарнинг бош дарвозаси ол­дида замонавий бинолар қад кўтариши шарт, – деди ҳоким.

Шунингдек, вилоят марказига сафари доирасида минтақа раҳ­бари шаҳарни сув билан таъминлаш ҳамда яшил белбоғ бар­по этиш ишлари билан та­нишиб, қатор топшириқлар берди.