Туркистонда 14 март – “Кўришиш куни” юқори савияда ташкил этилди. Шу муносабат билан уюштирилган “Арбат” майдонидаги байрам концертида “Олтин давр”, “Кўришиш”, “Қовушиш” каби саҳна асарлари намойиш этилди, санъаткорлар қўшиқ айтиб, турли композицияларни намойиш этишди.

300 киши иштирокида “Ёшлик – кўклам” мавзуидаги флешмоб рақси кўпчиликнинг олқишига сазовор бўлди. Вилоят миқёсида ўтказилган байрам тадбирида 1000га яқин киши иштирок этди. 

Байрам концертининг сўнгида турли этносларнинг вакиллари кутубхоналарда миллий таомлар ва китоб кўргазмаларини уюштиришди. Тантанали маросимда минтақа раҳбарлари, зиёлилар, вилоят аҳли ва ОАВ вакиллари қатнашдилар.

Мухтасар қилиб айтганда, Туркистон вилояти Наврўз байрамини ўзгача нишонламоқда. Бу айём март ойида ўн кун мобайнида тўйланади: 14 март – “Кўришиш куни”, 15 март – “Таъзим куни”, 16 март – “Покланиш куни”, 17 март – “Кўклам шуъласи куни”, 18 март – “Кўклам нақшлари куни”, 19 март – “Болалар куни”, 20 март – “Бирлик куни”, 21-22 март – Наврўз байрами.

Кунлар мавзуига қараб Туркистон вилоятининг барча шаҳар ва туманларида вилоят Қозоғистон халқи Ассамблеяси ҳамда маҳаллий ҳокимликлар ҳамкорлигида байрам тадбирлари ўтказилмоқда.