Мақтаарал туманида йилига 70та трактор тиркамаси (прицеп)ни ишлаб чи­қа­радиган саноат корхонаси ишга тушди. Бугун бу ерда 16 киши доимий иш билан банд. Давлат гранти асосида туманда илк бор ишга туширилаётган завод­­нинг очилиш маросимида Мақтаарал тумани ҳокими Б. Асанов ҳамда рес­публика миқёсидаги қишлоқ хў­жалиги соҳасининг олимлари ва қўшни туманлардан тадбиркорлар, деҳ­­­­­­­­­­­қон хўжаликлари раҳбарлари иштирок этишди. 

Улар замонавий намунадаги янги тиркамаларнинг ясалиши ва йиғиш цехларини кўздан кечириб, завод фаолияти билан яқиндан танишишди. 

Ўз ғоясининг аҳоли учун самарали эканлигини исботлаган, давлатдан 225 млн. тенгелик грант ютиб олган Н. Нурбеков аграр минтақага зарур тиркамаларни хўжаликларга арзон баҳода сотишни кўзлаяпти. За­­­­­­­вод раҳбарининг айтишича, кел­гу­сида яна ўн киши ишга қабул қи­линиб, ускуналар сонини ошириш режаланмоқда. 

10 тоннагача пахта хомашёсини жамлаб, ўзи тўкишга мўлжалланган автовоситаларни ишлаб чиқарадиган заводда эҳтиёт қисмларни таъмир­лаш, ясаш ҳам йўлга қўйилади.