Давлат раҳбари Бирлашган Араб Амирликларининг Абу Даби шаҳридаги бетакрор жойларидан бири – шайх Зоид масжидини оралаб, шу элнинг Тўнғич Президенти шайх Зоид билан Султан Ал Наҳайённинг руҳи покларига таъзим қилди.

Сўнг Нурсултан Назарбаев Абу Дабининг тахти вориси, БАА Қуролли Кучлари Олий Бош қўмондони ўринбосари шайх Муҳаммад ва Зоид Ал Наҳайённинг таклифи билан “Zayed Sports City” майдонида ўтган Бутунжаҳон Махсус Олимпиада ўйинларининг тантанали очилиш маросимида иштирок этди.

Жорий йилги 14-21 март оралиғида Абу Даби шаҳрида ўтадиган Махсус Олимпиада ўйинлари – Яқин Шарқ ва Шимолий Африка эллари тарихидаги дастлабки спорт мусобақаси. Бу тадбирда жаҳоннинг 170дан зиёд мамлакатидан спортнинг 24та тури бўйича мусобақаларда 7500дан зиёд спортчи қатнашмоқда. Қозоғистондан стол тенниси, теннис, дзюдо, сувда сузиш, пауэрлифтинг, енгил атлетика, волейбол, баскетбол, кичик футбол, гольф, бочче, гимнастика, боулинг, ролик билан югуриш ҳамда бадминтон каби спортнинг 15 тури бўйича 67 спортчи иштирок этади.