Бу янгилик биз учун кутилмаган хабар бўлди. Нурсултан Назарбаев – ўта оқил ва доно сиёсатчи, Қозоғистон мустақиллигини мустаҳкамлашда унинг ҳиссаси беқиёс. 

Қозоғистондек катта давлатни моҳирлик билан бошқариб келаётган Нурсултан Назарбаевнинг илдам ва тетик ҳаракатлари, ўткир, зийрак нигоҳи давлат раҳбарига хос хислатлардан, деб биламан.

Элбошимизнинг оқилона сиёсати туфайли ўз вақтида қабул қилинган муҳим қарорлардан яна бири – асрлар давомида Қозоқ хонлиги, бутун туркий олам учун муқаддас бўлган Туркистон шаҳрининг вилоят марказига айланиши. 

Нурсултан Назарбаев таъкидлаганидек, янгидан ташкил этилган Туркистон вилояти янги маъмурий вазифаларни сифатли амалга ошириш учун барча имкониятларга эга бўлади.

Шу сабабли, мустақил Қозоғистоннинг тамал тошини қалаган Тўнғич Президентимизнинг бу қарори биз учун кутилмаган хабар бўлгани рост.

Карвонбоши ўзгаргани билан карвон тўхтаб қолмайди. Муҳими – тўғри йўлдан аниқ мақсад сари бориш. Элбошининг беқиёс хизматларини эътироф этган ҳолда унга узоқ умр, икки дунё саодатини тилаб қоламан.