Мустақил Қозоғистоннинг Тўнғич Прзиденти Нурсултан Назарбаевнинг Президент ваколатини тўхтатиш тўғрисидаги мурожаатини зўр ҳаяжон билан тингладим. Бу баёнот мустақил давлатимиз учун катта тарихий воқеа бўлди.

Қозоғистоннинг мустақиллик даврида қўлга киритган ютуқлари, ошган довонлари, эгаллаган чўққилари Нурсултан Назарбаевнинг бевосита раҳбарлигида амалга оширди, деб ишонч билан айта оламан. Аниқроқ қилиб айтганда, Бош Қомусимизнинг қабулланиши, Қуролли Кучларимизнинг таркиб топиши, чегарамизнинг белгиланиши, янги Астананинг бунёд этилиши, иқтисодиётнинг ривожланиши, хориждаги қондошларимизнинг ота юртга қайтарилиши ҳамда бошқада ечимини топган эзгу ишлар тўғрисида гап кетганда, Нурсултан Назарбаевнинг фидокорона меҳнатига тўхтаб ўтмаслик мумкин эмас.

Мустақиллик йилларида Қозоғистоннинг рақобатбардош 50 давлат қаторига қўшилиши, эл иқтисодиётига кўплаб сармоя жалб этилганлиги, халқ турмушининг юксалиб бориши, ишсизликнинг камайиши, ёш авлодни давр талабига мувофиқ тарбиялаш, қишлоқларни қўллаб-қувватлаш чоралари Нурсултан Назарбаев олиб борган сиёсат туфайли амалга оширилди.

Тўғри, Тўнғич Президентимизнинг Қозоғистон учун, ўзининг халқи учун бажарган хизматини мўъжазгина мақолада баён қилиш қийин. Нурсултан Назарбаевнинг элига қилган хизмати мустақил мамлакатимиз оламшумул тарихининг ажралмас бир қисми бўлиб қолишига шак-шубҳа йўқ.

Жаҳоннинг энг ривожланган 30 давлати қаторига киришни мақсад қилиб қўйган Қозоғистоннинг бундан кейин ҳам ривожланишига замин яратиб берган элимизнинг Тўнғич Президенти – Элбоши келгусида ҳам ўз халқи учун сидқидилдан меҳант қилаверади. Бу барча қозоғистонлаиклар учун ўта муҳим.