Туркистон вилояти ҳокими Ўмирзақ Шўкеев хизмат сафари билан Кентов шаҳрига борди. Унда қатор иншоотларни оралаб, бажарилаётган ишлар билан танишди.

Дастлаб ҳоким индустриал минтақада бўлди. Бугунги кунда у ерда қиймати 3879,4 млн. тенгени ташкил этадиган 6та лойиҳа амалга оширилмоқда.

Индустриал ҳудуд 2015 йили фаолиятини бошлаган бўлиб, майдони 25 гектарни ташкил этади. 

Шунингдек, минтақа раҳбари “Кентов сервис” ДККда бўлди. 2011 йили қайта таъмирдан ўтган корхона шаҳардаги 334та кўп қаватли уйлар, 2121та хусусий уй, 374 тижоравий иншоот, 102та бюджет муассасасига иссиқлик энергиясини етказиб бермоқда. Бу ерда 395 нафар мутахассис фаолият юритади. 

Корхона фаолияти билан танишган вилоят ҳокими келгусида Кентов шаҳридаги иситиш қувурлари ва ускуналари тўлиқ таъмирдан ўтказилишини таъкидлади.

Ундан ташқари, ҳоким Кентов шаҳридаги кўп қаватли уйларни янгилаш ишлари билан ҳам танишди. Шаҳарда 358та кўп қаватли уй бор. 

Иш сафари сўнгида вилоят ҳокими “Ашисай Су” ДКК кариз сув тозалаш станциясининг фаолияти билан танишди. 1984 йили ишга туширилган корхона канализация сувларини механик ва табиий усулларда тозалаш билан шуғулланади. Шаҳардаги оқава сув тизимининг умумий узунлиги 97 чақиримни ташкил этади.