Элбоши Нурсултан Назарбаев Қозоғистон халқи Ассамблеяси раисининг ўринбосари, Ассамблея котибияти мудири Жансейит Туймебаевни қабул қилди.

Учрашувда ҚР Тўнғич Президенти – Элбошига Қозоғистон халқи Ассамблеясининг ХХVII сессиясига тайёргарлик ҳақида маълумот берилди.

Элбоши галдаги чора-тадбирларни юқори даражада уюштиришнинг аҳамиятига тўхталиб, ҚР Ассамблеясининг 25 йиллигини нишонлашга доир ишларни эртароқ юритиш лозимлигини таъкидлади.

– Келгуси йилда биз Қозоғистон халқи Ассамблеясининг 25 йиллигини нишонлашни режалаштирмоқдамиз. Ассамблея юбилейини марказда ҳам, барча минтақаларда ҳам юқори даражада ўтказишимиз керак. Тотувлик, барқарорлик, халқлар дўстлиги, турли этник гуруҳлар, диний конфессиялар орасидаги ўзаро ҳурмат давлатимиз ҳамда ривожланишимизнинг негизи ҳисобланади. Бу режаланган тадбирга замин бўлиши лозим, – деди Нурсултан Назарбаев.

Учрашув сўнгида Қозоғистоннинг Тўнғич Президенти қатор аниқ топшириқлар берди.