Туркистон вилоятидаги 9та саноат минтақасининг орасида шина йиғиш, озиқ-овқат ишлаб чиқариши ҳамда енгил саноат, қурилиш индустриясига салмоқли ҳисса қўшадиган 3та саноат минтақаси танланиб, ривожлантирилади. Буни вилоят маслаҳатининг навбатдаги ўттиз еттинчи сессиясида минтақа раҳбари Ўмирзақ Шўкеев маълум қилди.

– Вилоят иқтисодиётини ривожлантириш мақсадида саноатни ривожлантиришга имконият яратиш лозим. Вилоятдаги 9та ишламайдиган индустриявий минтақа ўрнига машинасозлик, озиқ-овқат ишлаб чиқариш ҳамда енгил саноат, қурилиш маҳсулотлари каби йўналишларда фаолият юритадиган учта ҳудудни ривожлантиришга бор куч-ғайратни сафарбар этамиз. Асосий маблағ мазкур лойиҳаларга ажратилади, – деди Ў. Шўкеев.

Улар Кентов, Туркистон шаҳри ва Ўрдабоши туманида бўлади. Масалан, Кентовдаги 25 гектарли майдон 300 гектарга кенгайтирилади. Биринчи навбатда саноат ҳудудини арзон энергетика захираси билан таъминлаш лозим. Бунинг учун Кентов шаҳридаги “Жылу” иссиқлик маркази қайта ташкил этилиб, газ билан таъминлаш инфратузилмасини юритиш режалаштирилмоқда.

Шунингдек, вилоят ҳокими минтақа иқтисодиётининг асосий драйвери – қишлоқ хўжалиги соҳасига ҳам тўхталиб ўтди. Қишлоқ аҳлини иш билан таъминлаб, ушбу соҳага алоҳида эътибор қаратиш лозим, – деди у.

Бугунги кунда вилоятда қишлоқ хўжалигига мўлжалланган 6,7 млн. гектар ер мавжуд, шундан 5,6 млн. гектар яйлов, 518 минг ер участкаси ҳамда 425 минг гектар суғормали ер бор. Соҳанинг жадал ривожланишини таъминлаш учун қўшимча 250 минг гектарни суғормали ер қаторига қўшиш керак. Сабаби, суғормали ердан тушадиган даромад 3-4 баравар ортиқ бўлади. Мазкур ерни айланмага жорий этиш орқали вилоятнинг 20 минг аҳолисини иш билан таъминлаш мумкин, – деди минтақа раҳбари.

Шунингдек, вилоят ҳокими озиқ-овқат хавфсизлигини таъминлаш мақсадида Туркистон шаҳрига сув каналларини юритиб, керакли озиқ-овқат маҳсулотлари етиштиришни ривожлантириш орқали шаҳар атрофида “озиқ-овқат белбоғи”ни ташкил этиш зарурлигини айтиб ўтди.