Туркистон вилояти Жетисай шаҳрида истиқомат қилувчи 11 яшар Бекназар Мейрамбек хусусий уй-жойларга мўлжалланган канализация қудуғига тушиб кетган 2 ёшли Бақитбек Сабиржанни ўлимдан қутқарди. Буни фавқулодда вазиятлар департаментининг бошлиғи Нурғали Жунисов маълум қилди.

– 2019 йил 2 апрель куни соат тахминан 19.40лар чамасида А. Қалибеков кўчасида ўйнаб юрган болалар 57-сонли уйнинг ташқарисида жойлашган канализация қудуғига жажжи болакайнинг қулаб кетганини кўришган. Орқасидан югуриб келган болаларга қудуқ ичидаги болакай кўринмаган. Шу пайт 2008 йили туғилган 5-синф ўқувчиси Бекназар Мейрамбек ҳеч иккиланмасдан қудуқ ичига тушади. Бўйнигача лойқа сувга ботсада болакайни топиб, чуқурдан олиб чиқади. Сўнг С. Бақитбек дарҳол шифохонага етказилди ва ҳозир унинг аҳволи бир маромда, керакли муолажаларни қабулламоқда, – деди департамент бошлиғи. 

Жасорати билан болакай умрини хатардан сақлаган 11 ёшли Бекназар Мейрамбек Жетисай шаҳридаги 2-сонли Шўқан Уалиханов номидаги мактаб ўқувчиси. Ёш қаҳрамон матбуот анжуманида фавқулодда вазиятлар департаментининг махсус ёрлиғи ва совғалар билан мукофотланди.