Туркистон шаҳрида ўтган вилоят маслаҳатининг навбатдаги XXXVII сессиясида Туркистон вилоятининг бошқарув схемасини тасдиқлаш тўғрисидаги масала муҳокама қилиниб, вилоятдаги бошқармаларни қайта ташкил қилиш тўғрисида қарор қабулланди. 

Унга мувофиқ, Туркистон вилоятининг иқтисодиёт ва бюджетни режалаш бошқармаси – вилоят стратегия ва иқтисодий ривожланиш бошқармаси, молия бошқармаси – молия ва давлат активлари бошқармаси бўлиб, қайта тузилди. 

Вилоят ички сиёсат, дин ишлари, оила, болалар ва ёшлар иши бошқармалари – ижтимоий ривожланиш бошқармасига бириктирилди. Шунингдек, тадбиркорлик, индустриявий-инновациявий ривожланиш бошқармаси иккига ажратилиб – тадбиркорлик ва савдо бошқармаси ҳамда инвестиция ва экспорт бошқармаси сифатида қайта ташкил қилинди. Вилоят таълим бошқармаси – одам капиталини ривожлантириш, маданият ва тилларни ривожлантириш бошқармаси – вилоят маданият бошқармаси, соғликни сақлаш бошқармаси – вилоят жамоат соғлиги бошқармаси, ахборотлаштириш, давлат хизматлари кўрсатиш ва архивлар бошқармаси – вилоят рақамлаштириш, давлат хизматлари кўрсатиш ва архивлар бошқармаси, туризм ва ташқи алоқалар бошқармаси эса туризм бошқармаси бўлиб қайта тузилди.

Қолган 13та бошқарма ўзгаришсиз қолди. Маслаҳат қарорига кўра, келажакда вилоят ҳокимлигида 23та бошқарма фаолият юритади.