ҚОЗОҒИСТОН – АНЪАНАВИЙ ВА ИННОВАЦИЯВИЙ ТЕХНОЛОГИЯЛАРНИ, ЯЪНИ ҚАДРИЯТЛАРНИ БИРЛАШТИРА ОЛАДИГАН МАМЛАКАТ

Кўргазма ташкилотчиларининг идорасида “Астана-ЭКСПО-2017 МК” ҲЖ Бошқарма раиси Ахметжан Есимов Монако Князи Альбер II-нинг маслаҳатчиси Лорен Солер билан учрашди. 

Учрашувда Монако павильони ва 2017 йилнинг 25 июнида ўтадиган Монако Миллий кунига Альбер II-нинг сафари тайёргарлигига оид масалалар муҳокама қилинди.

– Менинг фикримча, Монако павильони энг кўркам павильонларнинг бири бўлади. Сўнгги ҳафтанинг ичида мен у ерга икки марта бордим. Монако – катта шаҳар бўлмаса ҳам, ўта машҳур эл. Сайёҳлар Монако Князлигининг павильонига катта қизиқиш билдиришларига ишончим комил – деди Ахметжан Есимов.

Лорен Солер ўз навбатида кўргазмага тайёргарликнинг юқори даражада эканини таъкидлади.

– Қурилиш муддати мени ва Элчи хонимни ҳайратга солди. Бундан икки йил муқаддам биз Италиядаги Қозоғистон павильонига қойил қолганмиз. Хонзодамиз Қозоғистоннинг анъанавий ва инновациявий технологияларни, яъни қадриятларни бирлаштира оладиган мамлакат эканлигини атаб ўтганди, – деди 

Л. Солер.

Умумий майдони 835 квадрат метрни ташкил этадиган Монако Павильонининг мавзу-моҳияти – “Келажак манзараси” деб номланган. 

Инсон билан табиат эҳтиёжларининг ўзаро алоқаси ва улар орасида мувозанат ўрнатиш орқали доимий энергиянинг янги моделини яратиш имкониятларини аниқлаш – павильоннинг асосий мавзуси.