Шимкент шаҳрида республикада тенги йўқ «Бизнес-Супермаркет» маркази фаолиятини бошлади. Энди бизнес вакиллари давлат хизматининг 45 тури бўйича ёрдамни бир жойдан олишади.

“Бизнес-Супермаркет”да тадбиркор ҳамда сармоядорларга хизматлар электрон шакл ҳамда “ягона дарча” қоидаси бўйича кўрсатилади. Шунингдек, уларга ҳуқуқий, бухгалтерлик хизматлари, бизнес-лойиҳалаш, тижоратни қўллаш, логистика ҳамда тасдиқлаш ҳужжатлари бўйича хизматлар кўрсатилади.

Тақдимот маросимида иштирок этган шаҳар ҳокими Ғ. Абдирахимов марказ тадбиркорларга давлат хизматлари кўрсатишнинг ягона майдончасига айланиши зарурлигини таъкидлаб ўтди. Шунингдек, ҳоким кичик ва ўрта тадбиркорлик ҳамда шаҳарнинг иқтисодиётини ривожлантиришга қўшаётган ҳиссаси учун “Атамекен” тадбиркорлар палатаси, Давлат хизмати ишлари ҳамда уюшган жиноятчиликка қарши ҳаракатлар агентлиги ва “Қазпошта” ҲЖ раҳбарларига миннатдорчилик билдирди.

Мазкур лойиҳанинг ўзгачалиги – бир неча тараққиёт соҳалари ташкилотларининг кучини бирлаштиради. Булар “Даму ТРЖ” ҲЖ минтақавий филиали, “Атамекен” минтақавий тадбиркорлар палатаси, “Шимкент ИТК” ҲЖ ҳамда маъмурий бошқармалардир. Қолаверса, бу ерда CRM тизими бўйича иш олиб борилади.