Шимолий Қозоғистон вилоятида қалбаки ҳужжат ясаб, “Алтин Алқа”, “Кумис алқа” соҳиби бўлиб, давлатдан ёрдам пули олиб келган оналар аниқланди. 

Шундай қалбаки ҳужжат ясатиб, ноқонуний ҳаракатга борганликда гумонланаётган саккиз аёл тергов қилинмоқда. Қабиҳ ният билан нафақа олиб келган аёлларни ҳамқишлоқлари пайқаб қолишган. Икки боласи билан қаҳрамон она бўлганларни кўриб ҳайрон қолган маҳаллий аҳоли ҳокимликка шикоят қилган. Улар орасида бир болали оналар ҳам бор экан. Қишлоқ ҳокими, бундай ҳужжатларни пайқамай қолдик, дейди. Қолган болаларни эса Хитойда яшаяпти деб айтишганидан сўнг, ишонишган. Куёвининг собиқ хотинининг Хитойдаги болаларини ҳам рўйхатдан ўтказиб олганлар бор экан. Ҳозир терговдаги саккиз кишидан беш нафарининг устидан жиноий иш қўзғатилди. Қалбаки ҳужжат ясаган икки киши ҳибсга олинган. Бундай ҳужжат билан нафақа олиб юрганлар бошқа вилоятларда ҳам бўлиши мумкин, деган гумонда бу ҳақда ҚР Бош прокуратурасининг ҳуқуқий статистика бошқармасига хабар беришди.