ҚР Президенти Қасим-Жўмарт Тўқаев Корея Республикасининг Президенти Мун Чже Ин билан учрашди

Ақўрда қароргоҳида расмий кутиб олиш маросимидан сўнг давлат раҳбарларининг тор доирадаги музокаралари ўтди.

Қасим-Жўмарт Тўқаев Президент Мун Чже Иннинг илк давлат ташрифи Қозоғистон-Жанубий Корея орасидаги муҳим сиёсий мулоқот ва иқтисодий ҳаракатларнинг ривожланишига туртки беришини таъкидлади. Қозоғистон Президенти кун тартибидаги барча масалаларга тегишли самарали шартномалар, икки томонлама фойдали қарорлар қабулланишига ишонч билдирди.

– Президент жаноблари, Нур-Султан шаҳрига хуш келибсиз! Биз кеча икки томонлама ҳамкорликнинг долзарб масалаларини муҳокама қилдик. Бу Сизнинг Қозоғистон Республикасига илк давлат сафарингиз. Кеча Сиз Миллий қаҳрамонларингизнинг жасадларини Ватанга қайтаришга бағишланган муҳим тадбирда қатнашдингиз. Шу воқеа муносабати билан табригимни қабул қилсангиз, – деди Давлат раҳбари.

Президент Мун Чже Ин Қозоғистонга давлат сафари билан чақирилиб, илиқ кутиб олингани учун миннатдорчилигини билдирди.

 Унинг айтишича, мазкур сафар жорий йили атаб ўтиладиган Қозоғистон Республикаси ва Корея Республикаси орасидаги стратегик ҳамкорликнинг 10 йиллиги арафасида алоҳида аҳамиятга лойиқ.

– Қозоғистон – Евроосиё материгида тинчлик ўрнатиш ҳамда иқтисодий ҳамкорликни кенгайтиришга йўналтирилган Корея Республикасининг “Янги Шимолий сиёсати” ни юритишдаги асосий ҳамкори. Менинг бу сафарим икки томонлама муносабатларнигина эмас, шунингдек, Корея Республикаси ҳамда Марказий Осиё давлатлари орасидаги кўпқиррали ўзаро ҳаракатларнинг кучайтиришга зўр таъсир кўрсатади, деб умид қиламан, – деди Жанубий Корея Президенти.

Учрашувда томонлар сиёсат, савдо-иқтисодий, маданий-гуманитар соҳалардаги икки томонлама ҳамкорлик, шунингдек, икки мамлакатнинг халқаро ташкилотлари доирасидаги ўзаро ҳаракатларини муҳокама қилдилар.