Иқлими қуруқ, чўлли, ёз мавсуми узоқ­қа чўзиладиган Туркистонни кўка­­­­­­­лам­зорлаштириш учун, энг ав­вало, су­ғо­риш тизимини тако­­­­мил­лаштириш керак. Жазирама ёзда дарахтлар ва гулларни суғориш мураккаб маса­лалардан бири.

Ушбу масалани ҳал қилиш мақсадида шаҳарнинг бир неча йўналишларидан келадиган каналларни тўла таъмирлаш, шаҳар ичидаги ариқларга сув келтириш режалаштирилган эди. Бугунги кунда  Қорачиқ каналидан бошланган 5,2 чақиримли Қўтирбулоқ канали тозаланиб, 7та кўприкча ўрна­тилди. Каналдан бугунги кунда 5-10 куб/метр сув “Арис-Туркистон” магистрал каналига қуйилмоқда.

Шунингдек, Қазибек бий кўчаси бўйидаги дарахт­­­­ларни суғориш масаласи ҳал қилинди. Бун­дан ташқари, кўча бўйига экилган кўчатларни суғо­риш учун шаҳардаги қўшимча 6та қудуқ ишга туши­рилди. Барча каналларни таъмирлаш, тозалаш йўналишидаги ишлар давом этмоқда.

Яқин кунларда асосий (С. Қўжанов, Таукехан, Б. Саттарханов) шоҳкўчаларидаги ариқлар аслига келтирилиб, оқар сув тизими ишга туширилади. Шаҳар бўйича 17та кўчада 2016-2018 йиллари  аслига келтирилган узунлиги 70,2 чақиримли сув тармоқлари мавжуд. Шунингдек, жорий йилда марказий ҳудуддаги 47та кўчага 54,1 чақиримли бетон ариқлар ётқизилади.

Келгусида маънавий-маданий марказ, маъмурий-тадбиркорлик маркази ҳамда қўшни ҳудуд кўча­ларида қуриладиган йўлларнинг бўйига режага кўра, 100 чақиримли новлар ётқизилади. Ушбу лойиҳаларнинг барчаси Туркистоннинг экологиясини соғломлаштириб, иқлимини яхшилаш учун қилина­ётган собит қадамлардир.