Кеча Туркистонда минтақа раҳбари Ўмирзақ Шўкеев биринчи марта тадбиркорлар билан норасмий учрашув ўтказди.

Унда тадбиркорлик ҳамда қишлоқ хўжалиги соҳаларидаги масалалар муҳокама қилинди. Таъкидлаб айтганда, қишлоқ хўжалиги маҳ­су­­­­­­­­­­­­­­лотлари ҳажмини ошириш, интенсив боғ хўжалигини ривожлантириш, қишлоқ хў­жалиги ерларидан самарали фойдаланиш, томчилатиб суғориш тизимлари, бўрдоқилаш майдонлари ва сув омборлари қуриш маса­­­лалари муҳокама мавзуи бўлди.

Вилоят ҳокими минтақаларни ривожлантиришга йўналтирилган тадбиркорларнинг ташаббуслари ва лойиҳаларини қўллаб-қувват­лашга тайёр эканини таъкидлади.

– Давлат ва бизнеснинг кучини бирлаштириш орқалигина кутилган натижаларга эришиш мумкин. Сиз­­ларнинг иш жараёнларидаги барча таклифларингиз ва фикр­­­­ларингиз  инобатга олиниши керак. Биз шунинг учун ҳам ишлаймиз ва ҳар қандай кўмакка тайёрмиз. Бироқ, биз сизларнинг минтақа ривожига қандай улуш қўша олишингизга кўз етказишимиз керак, – деди Ўмирзақ Естайули.

Вилоят ҳокими тадбиркорларни ўз ғояларини фаол турда ташлашга чақирди. Учрашувда Ўмирзақ Ес­тайули вилоят марказини ривож­лантириш режалари ҳақида гап юритди. Минтақа раҳбари Тур­кистон шаҳрида деҳқонларни қўл­лаб-қувватлашга мўлжалланган махсус савдо уйи очилишини маълум қилди. Шунингдек, айнан шундай учрашувларни чорак сайин ўтказиб туриш таклифини билдирди.

Ўз навбатида хўжаликлар раҳбар­лари хориждан олиб кели­надиган хомашёни имтиёзли нархда олиб, мутахассислар танқислигини ечиш лозимлигини айтдилар.

Йиғилиш якунида вилоят раҳбари натижали қарор қабуллаш учун  айтилган барча саволлар жиддий таҳлил қилинишини таъкидлади.