Чордара шаҳрида Қозоғистон Республикасининг Тўнғич Президенти – Элбоши Н. Назарбаев соврини учун қозоқча курашдан “Қозоғистон қоплони” республика турнирининг вилоят саралаш босқичи ўтди. Унда туман ва шаҳар саралаш босқичларидан йўлланма олган 32 полвон куч синашди.

Мусобақанинг очилиш маросимида туман ҳокими Бўлатбек Қистауов полвонларга муваффақият тиласа, спорт фахрийси Бақит Жангбирбаев избосарларига оқ фотиҳа берди. Вилоят жисмоний тарбия ва спорт бошқармаси раҳбари Пўлат Қириқбаев мусобақа ғолиб ва совриндорлари ҳар томонлама қўллаб-қувватланиши, шунингдек, улар халқаро ва республика турнирларида иштирок этишини айтди.

Натижага кўра, туркистонлик полвон Абдиғани Бейбарс рақибларини доғда қолдириб, “Туркистон қоплони” бўлди. Унга махсус камар, республика босқичига йўлланма, шунингдек, чордаралик спорт жонкуярларининг совғаси – “Нексия” автомашинаси тақдим этилди. 2-ўринни олган кентовлик Жамалхан Дарханга камар, йўлланма ва 300000 тенге, 3-ўрин соҳиби ўтрорлик Сабиржан Абилдаулига эса камар ва 100000 тенге топширилди.

“Ғалабага бўлган иродаси учун” номинацияси байдибеклик Сиргебай Ерназарга, “Томошабин эътирофи” номинацияси сариоғочлик полвон Абдималик Мухтарга насиб қилди.