Элбошининг “Келажакка йўлланма: маънавий янгиланиш” дастурий мақоласидаги устувор мақсадларни ўз олдига қўйган лойиҳа, ҳар бир фуқарони туғилган элига ғамхўр, мурувватли ва саховатпеша бўлишга чақиради.

Яъни “Алтын ұям” лойиҳаси дои­расида мактабни тамомла­ганларига 10, 20, 30 йил тўлган со­биқ битирувчилар тантанали маросимлар ўрнига таҳсил олган мактабига, қишлоғига ёрдам кўр­сатадилар.

Ҳар бир туман, шаҳардаги мак­­табларнинг битирувчилари қиш­лоғи, мактабига спорт майдон­чаларини қуриш, кўп болали ҳам­да кам таъминланган оила­ларга кў­маклашиш, бошпана олиб бериш, ижтимоий дўконлар очиш, кўприк, йўл қуриш каби савобли ишларни амалга оширишади. 

Ҳимматли синфдошларнинг хайрли тадбирлари суратли лав­ҳалари билан республика сайти­нинг “Алтын ұям” лойиҳаси бло­­гига жойлаштирилади, шу­нинг­дек, маълумотлар kaz879095@mail.ru электрон поч­­­­­­­­­­­­­­­­­­­­таси ёки 8 707 159 20 61 WhatsАpp рақамига жўнатилиб, кўп­­­­­­чи­ликнинг бирдек овоз бериш ти­зими таъмин­ланади.

Энг яхши хайрия тадбирлари махсус сайтда овоз бериш ҳамда ташкилий ҳайъатнинг таҳлилига қараб тақдирланади.

“Алтын ұям” лойиҳасига 2019 йилнинг 10 октябригача бажа­­рилган ишлар қабул қилинади. 

Йил якунида овоз бериш орқали ғалабага эришган битирувчилар вилоят марказига таклиф қи­линиб, мукофотланади. Улар амал­га оширган эзгу ишлар ва ташаб­буслар ОАВда кенг тарғиб қилиниб, суратлари туман, ша­ҳар­лардаги бильбордларга илиб қўйилади.