Туркистон вилояти ҳокими Ўмирзақ Шўкеев хизмат сафари билан Чордара туманига бор­ди. Минтақа раҳбари дастлаб Жаушиқум овул округидаги “Турар” деҳқон хўжалигининг фао­лияти билан танишди.

Фаолиятини 2012 йил­да бошлаган хўжалик бу­гунги кунда 95 гектарни ўзлаштириб, пиёз (35 га.), пахта (45 га.), полиз маҳ­сулотлари (20 га.) етиш­тиради. Хў­жаликда 20 ки­ши иш билан банд.

Деҳқон хўжалиги фа­олияти билан танишган ви­лоят ҳокими маҳсулот ҳажмини оширишда ян­ги техно­логияларнинг аф­заллиги ҳақида гапирди. 

– Деҳқончиликда маҳ­сулот ҳажмини оширишда томчилатиб суғориш қўл келади. Натижада сув кам сарфланади, тежа­­­­­лади. Майда хўжалик­­ларни бирик­тириб, шир­­катлар тузиш фақат наф келтиради. Ўз­лаш­ти­рилмаган ерлар вило­ят ҳокимлигининг қатъий назоратида. Умуман ол­ганда, аграр ҳудуд си­фа­тида им­кони­ятла­ри­миздан унумли фой­дала­нишимиз зарур, – деди Ўмирзақ Ес­тайули.

Сафар давомида мин­тақа раҳбари “Чордара сув электр станцияси” ҲЖнинг модернизация ишлари билан танишди. Ҳозирги кун­да корхонада 160га яқин ходим ишламоқда. 

Бундан ташқари, ви­лоят раҳбари Суткент ову­лидаги сув тақсимлаш бекатига борди. Бу ерда 5200 млн. метр куб сув тўплаш мум­кин. Ундан ир­ригация, энергетика ва Сирдарёдан сув тош­қи­нининг олдини олишда фойланилади.

Ў. Шўкеев тумандаги “Хамит” ширкатининг балиқни қайта ишлаш за­во­дига ҳам борди. 2007 йилда ташкил қи­лин­ган корхонада 250 ки­ши доимий иш билан таъминланган. Йилига 2500 тонна балиқ маҳсу­лот­лари тайёр­ланиб, Ев­ропа давлатларига ҳам экспорт қилинади.

Хизмат сафари сўн­гида Чордара шаҳ­ри­да сайёҳликни ривож­лан­тириш борасида амалга оширилаётган ишлар билан яқиндан танишган  Ў. Шўкеев дам олиш мас­канларини кўпайтириб, хизмат кўрсатиш си­фа­­­тини ях­шилаш зарурли­гини таъкидлади.