Туркистон вилояти ҳокими Ў. Шўкеев иш сафари билан Қазиғурт туманига борди. У даставвал “Аманкелди” МЧБ фаолияти билан танишди.  Хўжаликнинг умумий майдони – 2322 гектарни ташкил этади. Ишлаб чиқарадиган маҳсулот турлари – I,II ва III репродукцияли буғдой нави ва мева-чева маҳсулотлари.

Бу ерда 250 киши доимий иш билан таъминланган. Томчилатиб суғориш усулида 405 гектар май­дондаги мевали дарахтлар пар­­вариш қилинмоқда. Аниқроқ қилиб айтганда, 150 гектарга – олма, 88 гектарга – шафтоли, 31гектарга – гилос, 94 гектарга – олхўри, 25 гек­тарга– ўрик, 17 га – нок, 120 гек­тарга ерга тоифи навли узум экилган.

Сўнг Ўмирзақ Естайули “Қишлоқ – эл бешиги” лойиҳаси доирасида Қазиғурт туманида амалга ошири­лажак ишларга бағишланган маж­лисда иштирок этди.  

Жорий йилда туманимизда “Қиш­лоқ – эл бешиги” лойиҳасини амал­га оширишга 608 млн. 757 минг тенге ажратилади. Бу маблағ ҳи­собидан мактаблар, марказий фут­бол майдони, болалар боғчаси, маданият уйи, марказий кутубхона таъмирланади, – деди туман ҳок­ими Т. Телғараев.

Вилоят ҳокими Ўмирзақ Шў­кеев туман раҳбариятига уш­бу йўналишдаги ишларни жонлан­­тиришни топширди.