Кеча Шимкентдаги “Қозоғистон халқи Ассамблеяси” биносида вилоят ҳокимлиги бошқармалари раҳбарлари, жамоат ташкилотлари етакчилари ва муваффақиятли тадбиркорлар билан минтақамиздаги 800дан зиёд  ёшларнинг норасмий учрашуви  уюштирилди.

Учрашувда миллий маданият, тил ҳамда урф-одатларни асраш ва авлодларга етказиш, экстремизм ва терроризмга қарши кураш, ҳуқуқ­бузарлик, ишсизликни бартараф этиш каби масалалар муҳокама этилди.

Анжуман иштирокчилари  “Мангу эл ёшлари – индустрияга!”, “Серпин- 2050” лойиҳасига катта қизиқиш бил­диришди. Ёшларимизнинг шимолий вилоятларда бепул билим олиши,  ишга жойлашишига имкон бера­диган мазкур лойиҳа минтақанинг ижтимоий масаласини ҳал этиш билан бир қа­торда эл бирлиги ва жамиятдаги  бар­қарорликнинг сақланишига  таъсир кўрсатади.

Ёшлар олдида сўзга чиққан “Cof­fee Like” компанияси муассиси, ёш тадбиркор Аят Азимов ўз муваф­фа­қияти сирларини ёшлар билан баҳам кўрди. 

Қозоғистон мусулмонлари диний бош­қармасининг  Жанубий Қозоғистон вилояти бўйича вакил-имоми Ах­метжан Керимбек ёт оқимларнинг етагида кетмаслик учун ота-бобо­ларимиз урф-одатларига амал қи­лиш, диний саводхонликка эришиш кераклигини таъкидлади.  

Ўзи ишлаб чиқарган роботини на­мойиш этган Назарбаев заковат мактаби ўқувчиси Қуаниш Маден барча ёшларни Элбошининг “Маънавий янгиланиш: келажакка йўлланма” ма­­қо­ласида айтилганидек, XXI аср талабларига мос бўлишга чақирди.

Йиғилишга якун ясаган ЖҚВ  Қозо­ғистон халқи Ассамблеяси раисининг ўринбосари Муратали Қалмуратов давлат органлари ва ёш бўғин ора­­сида очиқ мулоқот майдонини яратиш орқали ёшларнинг долзарб масалаларини ҳал этишга қаратилган бундай учрашувлар келажакда яна давом этишини айтиб, ишни изчил олиб бориш йўналишида аниқ так­лифларни ўртага  ташлади.