“Jas Turkistan – 2019” республика болалар ижодий марафонининг тақдимот маросимида мамлакатимиздаги болалар нашрларининг муҳаррирлари, шоирлар, ёзувчилар, сайт раҳбарлари, анимация, таржима ва таълим соҳаси вакиллари ҳамда ўқувчилар иштирок этишди.

Ижодий марафон доирасида республика ва минтақавий нашриётларнинг кўргазмаси ташкил этилди. “Маънавий янгиланиш” дастури доирасида ўтказилган тадбирда вилоят ҳокимининг ўринбосари Малик Ўтарбаев маъруза қилди. 

– “Jas Turkistan – 2019” болалар ижодий марафонини ўтказишдан мақсад – болаларни ҳар томонлама ривожлантириб, ҳуқуқларини ҳимоя қилиш, эзгуликка етаклаш, ижодга мослашувини таъминлаш. Болалар руҳиятига салбий таъсир кўрсатадиган, уларни шафқатсизликка чорловчи ахборот манбаларига чек қўйиш керак. Бу борада ижодкорлар ва маҳаллий бошқарув органлари саъй-ҳаракатларини бирлаштиргани маъқул, – деди ҳоким ўринбосари.

Тадбир модератори, вилоят ички сиёсат бошқармаси раҳбари Бейсен Тажибаев ёш авлод тарбиясида муҳим аҳамият касб этувчи тадбирни мунтазам ўтказиб туришни режалаштирилаётганини маълум қилди.

Марафоннинг иккинчи куни Келес туманида давом этади.