“Тилнинг софлиги, маъно аниқлиги, ўт­кирлиги учун кураш – маданият қуроли учун курашдир. Бу қурол қанчалик ўткир бўл­са, қанчалик аниқ йўналтирилса, у шу қадар енгилмасдир”.

Максим Горький.

Элбошининг “Келажакка йўлланма: маънавий янгиланиш” мақоласидаги давлат тилининг об­­­­­­рўсини ошириш, уни ўзга миллат вакил­лари­­­нинг чуқур ўзлаштиришига катта имко­ният­лар яра­­­­тишнинг устувор йўналишлари белгилаб бе­­­рилган. “Тилнинг уч яхлитлиги” ма­да­ний ло­­­йи­­­ҳаси доирасида Қозоғистон ўз­бек этно­­­маданият бирлашмаларининг “Дўст­лик” ҳамжа­­­мияти Тур­кистон вилояти ҳамда Шимкент шаҳар таълим бошқармалари билан ҳамкорликда анъанавий “Давлат тилини билиш – фарзим!” республика танловини ўтказди.

Тадбирни  “Дўстлик” ҳамжамияти раиси Ик­ромжон Ҳошимжонов очиб, олий ўқув юртла­ри­­­дан бепул сертификатлар тақдим этган таълим муассасалари вакилларига ўз миннат­дор­­­­­­­­­­чилигини билдирди.  

Танловда республика ўзбек мактабларидан келган 19 нафар битирувчи синф ўқувчиси қозоқ тилидан билимини синовдан ўтказди. Беллашув қоидаларига кўра, дастлаб, даъвогарлар қо­зоқ тилида эссе ёзишди, иккинчи шарт – шеърий тарз­­­да, соф бадиий талаффузда ўзини таништириш, хатжилдга яширилган мақолларнинг давомини топиб айтиш, қозоқ халқининг урф-одатлари, та­­­рихий ҳамда таниқли давлат, жа­мият, маданият, ада­­­биёт, санъат арбоблари­нинг ҳаёти ва ижоди тўғ­­­рисидаги саволларга жавоб беришди.

Хуллас, иштирокчилар, устозлар, дўстлар ҳам­­­да ота-оналар учун ҳаяжонли ва кўтаринки руҳ­­да ўтган танлов якунига етиб, ғолибларга олий ўқув юртларида бепул таълим олиш учун махсус сертификатлар  топширилди.

Билимдонлиги, топқирлиги, қозоқ урф-одат­­­ларини яхши билиши туфайли энг кўп балл тўплаган туркистонлик Шукрулло Шер­­­метов (суратда) (Э. Иззатуллаев номли мактаб) ҳамда Шимкент шаҳридаги 124-сонли мактаб ўқувчиси Мадина Жумановага  Silkway халқаро университетининг махсус сертификати насиб этди. А. Қуатбеков номидаги Халқлар дўстлиги университетининг ик­­­­­­­­ки дона сертификати Туркистон шаҳридаги С. Раҳимов номидаги умумий ўрта мактаб ўқув­­­­­­­­­­­­чиси Бекзод Маннопов ҳамда Мақтаарал ту­­ма­­­­­­­нидаги “Асыл мұра” мактаби битирувчиси Шоҳ­синам Мелибоевага берилди, шаҳардаги 109-сонли мактаб ўқувчиси Мухлиса Анорқулова 50 фоизли Шимкент университети сертификатига, 107-сонли мактаб-лицейдан Покиза Иброҳимова ҳамда  8-сонли Тўйби Бегманова номли мактаб ўқувчиси Шаҳло Исмоилова А. Исмоилов номидаги гуманитар-педагогика кол­лежида бепул таҳсил олиш грантига эга бўлдилар.

Ғолибларни Туркистон вилоят таълим бош­қармасига қарашли “Вилоят қўшимча таълимни ривожлантириш маркази” директори ўринбосари А. Егембердиева табриклаб, 7 нафар совриндор ўқувчига диплом ва смартфонлар тақдим эт­ди. Шунингдек, иштирокчиларга Шимкент ша­ҳар таълим бошқармаси ҳамда “Дўстлик” ҳамжа­мия­­­тининг дипломлари, ташаккурномалари ҳамда қимматбаҳо совғалари ҳам топширилди.