ҚР Президенти Қасим-Жўмарт Тўқаев Европа кенгашИ раиси Дональд Туск билан  музокара олиб борди.

Давлат раҳбари Европа кенгаши раисининг ташрифи Қозоғистон ва Европа иттифоқи ўртасидаги алоқаларнинг ривожланишига ижобий таъсир кўрсатишини таъкидлади.

– Ташрифингизнинг аҳамияти юксак. Бизнинг ўзаро самарали ҳамкорлигимиз янада кенгайиб боришига ишонаман. Икки томон ҳам кўзлаган мақсадига эришишдан манфаатдор бўлгани учун ўзаро муносабатларимизнинг келажаги порлоқ, – деди Қасим-Жўмарт Тўқаев.

Дональд Туск Қозоғистонга таклифи учун Президентга миннатдорчилик билдирди.

– Меҳмондўстлигингиз учун кўп раҳмат. Бизнинг Сизлар билан тажрибамиз ва ўзаро муносабатларимиз умумий тарихга эга. Географик масофа улкан бўлишига қарамай, Қозоғистон биз учун минтақавий жиҳатдан эмас, балки жаҳон даражасидаги аҳамиятли ва барқарор ҳамкор саналади, – деди Европа кенгаши раҳбари.

Суҳбат давомида томонлар турли соҳалардаги Қозоғистон ва Европа иттифоқи ҳамкорлигининг истиқболларини муҳокама қилишди.