Туркистон вилояти полициячилари интернет-товламачини қўлга олишди. У сайт орқали муайян пул эвазига “ёғли” ишга жойлаштиришни ваъда қилган...

Товламачи замонавий технологияни қўллаб, жозибадор ваъдалар орқали олти нафар шахсни тузоғига илинтиришга муваффақ бўлибди. Жабрдийдалар май ойи бошида вилоят полиция департаментининг криминал полиция бўлимига ариза билан мурожаат қилишган.

Шикоят муаллифларининг кўр­­­­­сат­малари асосида криминалистлар фоторобот ишлаб, товламачига қидирув эълон қилишди. Унинг шах­сини аниқлаб, қўлга олиш учун уч ҳаф­тага яқин вақт кифоя қилди. Му­ваф­фақиятли юритилган тезкор тад­бирлар давомида Туркистон ви­­­­лояти полиция департаментининг криминал полиция ходимлари Шимкент шаҳ­ридаги ижара уйларнинг бирида вилоя­тимизда истиқомат қилувчи ёш фуқарони қўлга олдилар.

Ашёвий далилларнинг бисёрлиги боис товламачи дарров айбига иқрор бўлди ва ўз найранглари ҳақида маълу­мот берди. Гумондор асосан ўзи ўй­лаб топган режа асосида Атиров ви­лояти ва Сўзоқ туманларида вахта услубида иш таклиф қилган, ишга қабул қилиш борасида қатор эълонлар берган. Ойлик маош 200-300 минг тен­ге атрофида бўлишини ваъда қил­ган. Ҳа, ҳақиқатан жозибадор ваъда...

У жабрдийдалардан ташкилий хиз­матлар учун “Qiwi-кошелок” орқали пул олган. Ўзининг алоқа телефони рақамини қолдирса-да, тез-тез улар­ни ўзгартириб турган. 

Умумий ҳисобда йигитча ишонувчан шахсларга 2 млн. тенге зарар етказ­ган. Гумондор шунга ўхшаш жиноят учун муқаддам судланган экан. Суд­гача тергов ишлари бормоқда. Поли­циячилар жабрланганлар сафи янада кенгайиши мумкинлигини тахмин қи­лишмоқда.