Туркистонда икки нафар она уч на­фар эгизак бола туғиб, куни кеча туғ­­­­­­­­­­­­­­­­­­руқхонадан уйи­га юбо­­­рилди. Бир ой ичида уч эгизакнинг бир вақт­да туғи­лиши вилоят марказида илк бор қайд этилмоқда. Динора Нархонова Тур­­кис­тон вилоят 3-сонли перинаталь марказида уч ўғилни дунёга келтирди. 

Чақалоқларнинг аҳволи яхши, вазни 2 килодан ошган. Сунъий йўл билан ҳо­миладор бўлган аёл эгизакларига Икром, Ислом, Имрон исмларини берибди. Уч ўғилга қадар оилада бир қизи бор экан.

Яна бир уч эгизак кўрган аёл – Сайёра Тўқ­ли­ева­нинг ёши 29да. У икки қиз, бир ўғиллик бўл­ди. Эгизлардан ташқари уч фарзанди бор. Ча­қалоқларнинг аҳволи яхши бўлгани боис куни кеча уйига юборилди.

Эгизак туққан оналарга вилоят ҳокимлиги номидан совға-саломлар берилди. Ҳар бир чақалоққа болалар аравачаси, каравотлар, ки­йим-кечак ва ўйинчоқлар топширилди. Ўз навбатида вилоят соғликни сақлаш бош­қар­маси раҳбари М. Егиз­баев болаларга кела­жакда ҳам эътибор қарати­лишини маълум қилди.

Дарвоқе, йил бошидан буён минтақада уч марта учтадан эгизак туғилди. Икки она Тур­кистон шаҳрида, бири Шимкент шаҳридаги вилоят перинаталь марказида эгизакларни дунёга кел­тирган.