Туркистон вилояти Қазиғурт туманида ҳалол меҳнати ва ишбилармонлиги туфайли даромад топиб юрган ҳамюртларимиз анчагина. Уларнинг ҳиммати бошқаларга ўрнак бўларли. Тўнғич Президент Н. Назарбаевнинг “Келажакка йўлланма: маънавий янгиланиш” дастурий мақоласидаги “Сахий қалб” базавий лойиҳаси доирасида тумандаги тадбиркорлар ва ҳомийлар кам таъминланган, кўп болали ҳамда имконияти чекланган оилаларга, УВУ фахрийларига, ёлғиз яшовчи қарияларга яқиндан  ёрдам бериб келмоқдалар.

Шундай саховатпеша инсонлардан бири, “Қозоғистоннинг 100 янги номи” танлови ғолиби, Қазиғурт туманининг фахрий фуқароси, тадбиркор Сирим Ертаев ўз ҳисобидан 2017-2018 йилларда турмуши ночор 7та оилани уйли қилган эди. Жорий йилда ҳам хайрли ишини давом эттириб,  3та оилага янги бошпана ҳадя қилмоқчи.

Шунингдек, тадбиркор йилнинг энг хосиятли ойи – Рамазонда тумандаги ижтимоий жиҳатдан ночор 500 оилага 5 млн. тенгелик озиқ-овқат улашди.  Мусулмон аҳли билан борини баҳам кўришни бурчи деб билган инсон бундай ибратли ишларни  анъанага айлантирган.