Туркистон шаҳрида 4 июнь – Қозоғистон Республикаси Давлат рамзлари куни муносабати билан “Давлат рамзлари – муқаддас қадриятларимиз” мавзусида тадбир ўтди. Унда Туркистон вилояти ҳокимининг ўринбосари Малик Ўтарбаев иштирок этди.

– Бундан 27 йил муқаддам Қозоғистон Республикасининг Давлат рамзлари қабул қилинган эди. Евроосиё марказида жойлашган Қозоғистон мустақил давлат сифатида ўз Мадҳияси, Байроғи, Гербига эга мамлакатлар қаторига қўшилиб, миллий қадриятларини намойиш этди. 2007 йил 4 июнь куни ҚР “Давлат рамзлари тўғрисида” Қонуни қабул қилинди. Давлат рамзларига ҳурмат – ватанпарварликнинг белгиси. Бир пайтлари Туркистоннинг довюрак ўғлони Бекзат Саттарханов Сиднейда чемпион бўлиб, рамзларимизни бутун дунёга танитди. Ҳозирги ёшлар шу Бекзат ботирдай элга хизмат қилишлари лозим. Барчани Давлат рамзлари куни билан табриклайман! Гербимиз мангу порлаб, мовий байроғимиз ҳилпираб турсин. Халқимизнинг келажаги ёрқин бўлсин! – деди М. Нуржанули.

Туркистон шаҳар ҳокимлиги ва вилоят ички сиёсат бошқармаси томонидан ташкиллаштирилган йиғинда шеърлар ўқилиб, ватанпарварлик мавзуидаги қўшиқлар ижро этилди. 

Рамзлар кунига бағишланган байрамда Туркистон шаҳридаги таълим муассасаларининг ўқувчилари қатнашди, шаҳар ёшлари флешмоб намойиш этишди.