ҚР Президенти Қасим-Жўмарт Тўқаев Қозоғистонда фуқароларнинг турмуш фаровонлигини юксалтириш учун ислоҳотлар амалга оширилишини айтди. 

Буни у ўзининг Twitter саҳифасида маълум қилди. “Фуқаровий жамиятнинг роли ўсиб бормоқда. Бу – табиий ва ижобий ҳолат. Шунинг учун кучли, нуфузли ва кўппартияли Парламент, фуқаровий жамиятнинг ривожланган институтлари – бу келажакдаги сиёсий модернизация учун бош йўналиш”, – деб ёзади Давлат раҳбари.

Эски муаммолар – янги ечимлар. Бизнинг устувор йўналишимиз – қозоғистонликларнинг турмуш сифатини ўстириш. ҚР фуқароларини олий таълим, ҳаммабоп тиббиёт, тоза сув, сифатли йўллар билан таъминлаш учун олдимизда ислоҳотлар кутмоқда. Бу муҳим вазифаларни ҳал этиш учун ҳокимлик билан жамиятнинг ўзаро мулоқоти керак. Биз жамиятда тартиб ва уйғунликни таъминлаш учун бу мулоқотни, албатта, йўлга қўямиз”, – деб таъкидлади Президент.

Аввалроқ Қасим-Жўмарт Тўқаев ёшларни келгуси ислоҳотларни амалга оширишда асосий куч деб баҳолаган эди.